திருநாவுக்கரசர் - தேவாரம்- நான்காம் திருமுறை - 4.23 - கோயில் ( தில்லை / சிதம்பரம்)

                                                                 இறைவா..அனைத்தும் நீயே.

                                                                   சர்வம் சிவார்ப்பணம்...

நாள் : 6 - 15. 07.2024

பாடல் எண் : 1

பத்தனாய்ப் பாட மாட்டேன் பரமனே பரம யோகீ

எத்தினாற் பத்தி செய்கே னென்னைநீ யிகழ வேண்டா

முத்தனே முதல்வா தில்லை யம்பலத் தாடு கின்ற

அத்தாவுன் னாடல் காண்பா னடியனேன் வந்த வாறே.

பாடல் எண் : 2

கருத்தனாய்ப் பாட மாட்டேன் காம்பன தோளி பங்கா

ஒருத்தரா லறிய வொண்ணாத் திருவுரு வுடைய சோதீ

திருத்தமாந் தில்லை தன்னுட் டிகழ்ந்தசிற் றம்ப லத்தே

நிருத்தநான் காண வேண்டி நேர்பட வந்த வாறே.

பாடல் எண் : 3

கேட்டிலேன் கிளைபி ரியேன் கேட்குமா கேட்டி யாகில்

நாட்டினே னின்றன் பாதம் நடுப்பட நெஞ்சி னுள்ளே

மாட்டினீர் வாளை பாயு மல்குசிற் றம்ப லத்தே

கூட்டமாங் குவிமு லையாள் கூடநீ யாடு மாறே.

பாடல் எண் : 4

சிந்தையைத் திகைப்பி யாதே செறிவுடை யடிமை செய்ய

எந்தைநீ யருளிச் செய்யா யாதுநான் செய்வ தென்னே

செந்தியார் வேள்வி யோவாத் தில்லைச்சிற் றம்ப லத்தே

அந்தியும் பகலு மாட அடியிணை யலசுங் கொல்லோ.

பாடல் எண் : 5

கண்டவா திரிந்து நாளுங் கருத்தினா னின்றன் பாதங்

கொண்டிருந் தாடிப் பாடிக் கூடுவன் குறிப்பி னாலே

வண்டுபண் பாடுஞ் சோலை மல்குசிற் றம்ப லத்தே

எண்டிசை யோரு மேத்த விறைவநீ யாடு மாறே.

பாடல் எண் : 6

பார்த்திருந் தடிய னேனான் பரவுவன் பாடி யாடி

மூர்த்தியே யென்ப னுன்னை மூவரின் முதல்வ னென்பன்

ஏத்துவா ரிடர்க டீர்ப்பாய் தில்லைச்சிற் றம்ப லத்துக்

கூத்தாவுன் கூத்துக் காண்பான் கூடநான் வந்த வாறே.

பாடல் எண் : 7

பொய்யினைத் தவிர விட்டுப் புறமலா வடிமை செய்ய

ஐயநீ யருளிச் செய்யா யாதியே யாதி மூர்த்தீ

வையகந் தன்னின் மிக்க மல்குசிற் றம்ப லத்தே

பையநுன் னாடல் காண்பான் பரமநான் வந்த வாறே.

பாடல் எண் : 8

மனத்தினார் திகைத்து நாளு மாண்பலா நெறிகண் மேலே

கனைப்பரா லென்செய் கேனோ கறையணி கண்டத் தானே

தினைத்தனை வேதங் குன்றாத் தில்லைச்சிற் றம்ப லத்தே

அனைத்துநின் னிலயங் காண்பா னடியனேன் வந்த வாறே.

பாடல் எண் : 9

நெஞ்சினைத் தூய்மை செய்து நினைக்குமா நினைப்பி யாதே

வஞ்சமே செய்தி யாலோ வானவர் தலைவ னேநீ

மஞ்சடை சோலைத் தில்லை மல்குசிற் றம்ப லத்தே

அஞ்சொலாள் காண நின்று வழகநீ யாடு மாறே.

பாடல் எண் : 10

மண்ணுண்ட மால வனு மலர்மிசை மன்னி னானும்

விண்ணுண்ட திருவு ருவம் விரும்பினார் காண மாட்டார்

திண்ணுண்ட திருவே மிக்க தில்லைச்சிற் றம்ப லத்தே

பண்ணுண்ட பாட லோடும் பரமநீ யாடு மாறே.

தென்னாடுடைய சிவனே போற்றி!

 எந்நாட்டவர்க்கும் இறைவா போற்றி!

அண்ணாமலை எம் அண்ணா போற்றி!

கண்ணாரமுதக் கடலே போற்றி.

சீரார்ப்பெருந்துறை நம் தேவனடி போற்றி

ஆராத இன்பம் அருளும் மலை போற்றி

பராய்த்துறை மேவிய பரனே போற்றி

சிராப்பள்ளி மேவிய சிவனே போற்றி

ஆரூர் அமர்ந்த அரசே போற்றி

 சீரார் திருவையாறா போற்றி

 ஏகம்பத்துறை எந்தாய் போற்றி

 பாகம் பெணுரு ஆனாய் போற்றி

தென்தில்லை மன்றினுள் ஆடி போற்றி

இன்றெனக்கு ஆரமுதானாய் போற்றி

குவளைக் கண்ணி கூறன் காண்க 

அவளுந் தானும் உடனே காண்க

 காவாய் கனகத் திரளே போற்றி

 கயிலை மலையானே போற்றி போற்றி

மீள்பதிவாக:-

திருநாவுக்கரசர் - தேவாரம்- நான்காம் திருமுறை - 22 - கோயில் ( தில்லை / சிதம்பரம்) - https://tutthamizhthirumurai.blogspot.com/2024/07/22.html

திருநாவுக்கரசர் - தேவாரம்- ஐந்தாம் திருமுறை - பதிகம் 5.2 - கோயில் ( தில்லை / சிதம்பரம்) - https://tutthamizhthirumurai.blogspot.com/2024/07/52.html

திருநாவுக்கரசர் திருக்குறுந்தொகை- ஐந்தாம் திருமுறை - பதிகம் 5.1 - கோயில் ( தில்லை / சிதம்பரம்) - https://tutthamizhthirumurai.blogspot.com/2024/07/51.html

திருஞான சம்பந்தர் திருக்கடைக்காப்பு - மூன்றாம் திருமுறை - கோயில் (தில்லை / சிதம்பரம்) - https://tutthamizhthirumurai.blogspot.com/2024/07/blog-post.html

திருஞான சம்பந்தர் திருக்கடைக்காப்பு - பதிகம் 1.80 - கோயில் (தில்லை / சிதம்பரம்) - https://tutthamizhthirumurai.blogspot.com/2024/07/180.html

7 நாள் திருமுறை வழிபாட்டு பாமாலை - இரண்டாம் நாள் 2 - https://tutthamizhthirumurai.blogspot.com/2022/02/7-2.html

 7 நாள் திருமுறை வழிபாட்டு பாமாலை - முதல் நாள் 1 - https://tutthamizhthirumurai.blogspot.com/2021/11/7-1.html

 7 நாள் திருமுறை வழிபாட்டு பாமாலை - இரண்டாம் நாள் 2 - https://tut-temples.blogspot.com/2022/02/7-2.html

7 நாள் திருமுறை வழிபாட்டு பாமாலை - முதல் நாள் 1 - https://tut-temples.blogspot.com/2020/03/7-1.html