திருநாவுக்கரசர் - தேவாரம்- நான்காம் திருமுறை - 22 - கோயில் ( தில்லை / சிதம்பரம்)

                                                                இறைவா..அனைத்தும் நீயே.

                                                                   சர்வம் சிவார்ப்பணம்...

நாள் : 5 - 14. 07.2024

இறைவர் திருப்பெயர்  : கூத்தபிரான், கனகசபாபதி, சபாநாயகர்

இறைவியார் திருப்பெயர்  : சிவகாமி, சிவகாமசுந்தரி

திருமுறை      :  நான்காம் திருமுறை 22வது திருப்பதிகம்

அருளிச்செய்தவர்   : திருநாவுக்கரசு சுவாமிகள்

பாடல் எண் : 01

 

செஞ்சடைக் கற்றை முற்றத்து இளநிலா எறிக்கும் சென்னி

நஞ்சடை கண்டனாரைக் காணல் ஆம் நறவம் நாறும்

மஞ்சடை சோலைத் தில்லை மல்கு சிற்றம்பலத்தே

துஞ்சடை இருள் கிழியத் துளங்கு எரி ஆடும் ஆறே.

பாடல் எண் : 02

ஏறனார் ஏறு தம்பால் இளநிலா எறிக்கும் சென்னி

ஆறனார் ஆறு சூடி ஆயிழையாள் ஓர் பாகம்

நாறு பூஞ்சோலைத் தில்லை நவின்ற சிற்றம்பலத்தே

நீறுமெய் பூசி நின்று நீண்டு எரி ஆடும் ஆறே.

பாடல் எண் : 03

சடையனார் சாந்த நீற்றர் தனிநிலா எறிக்கும் சென்னி

உடையனார் உடை தலையில் உண்பதும் பிச்சை ஏற்று

கடிகொள் பூந் தில்லை தன்னுள் கருது சிற்றம்பலத்தே

அடிகழல் ஆர்க்க நின்று அனல் எரி ஆடும் ஆறே.

பாடல் எண் : 04

பை அரவு அசைத்த அல்குல் பனிநிலா எறிக்கும் சென்னி

மையரிக் கண்ணினாளும் மாலுமோர் பாகம் ஆகி

செய்யரி தில்லை தன்னுள் திகழ்ந்த சிற்றம்பலத்தே

கையெரி வீசி நின்று கனல் எரி ஆடும் ஆறே.

பாடல் எண் : 05

ஓதினார் வேதம் வாயால் ஒளி நிலா எறிக்கும் சென்னிப்

பூதனார் பூதம் சூழப் புலியுரி அதளனார் தாம்

நாதனார் தில்லை தன்னுள் நவின்ற சிற்றம்பலத்தே

காதில்வெண் குழைகள் தாழக் கனல் எரி ஆடும் ஆறே.

பாடல் எண் : 06

ஓர் உடம்பு இருவர் ஆகி ஒளி நிலா எறிக்கும் சென்னி

பாரிடம் பாணி செய்யப் பயின்ற எம் பரமமூர்த்தி

கார் இடம் தில்லை தன்னுள் கருது சிற்றம்பலத்தே

பேர் இடம் பெருக நின்று பிறங்கு எரி ஆடும் ஆறே.

பாடல் எண் : 07

முதல்தனிச் சடையை மூழ்க முகிழ்நிலா எறிக்கும் சென்னி

மதக்களிற்று உரிவை போர்த்த, மைந்தரைக் காணல் ஆகும்;

மதத்து வண்டு அறையும் சோலை மல்கு சிற்றம்பலத்தே

கதத்தது ஓர் அரவம் ஆடக் கனல் எரி ஆடும் ஆறே.

பாடல் எண் : 08

மறையனார் மழு ஒன்று ஏந்தி மணிநிலா எறிக்கும் சென்னி

இறைவனார் எம்பிரானார் ஏத்துவார் இடர்கள் தீர்ப்பார்

சிறை கொள் நீர்த் தில்லை தன்னுள் திகழ்ந்த சிற்றம்பலத்தே

அறைகழல் ஆர்க்க நின்று அனல் எரி ஆடும் ஆறே.

பாடல் எண் : 09

விருத்தனாய் பாலனாகி விரிநிலா எறிக்கும் சென்னி

நிருத்தனார் நிருத்தம் செய்ய நீண்ட புன் சடைகள் தாழக்

கருத்தனார் தில்லை தன்னுள் கருது சிற்றம்பலத்தே

அருத்தமா மேனி தன்னோடு அனல் எரி ஆடும் ஆறே.

பாடல் எண் : 10

பாலனாய் விருத்தனாகிப் பனிநிலா எறிக்கும் சென்னி

காலனைக் காலால் காய்ந்த கடவுளார்; விடை ஒன்று ஏறி

ஞாலம் ஆம் தில்லை தன்னுள் நவின்ற சிற்றம்பலத்தே

நீலஞ்சேர் கண்டனார் தாம் நீண்டு எரி ஆடும் ஆறே.

பாடல் எண் : 11

மதியிலா அரக்கன் ஓடி மாமலை எடுக்க நோக்கி

நெதியன் தோள் நெரிய ஊன்றி நீடு இரும் பொழில்கள் சூழ்ந்த

மதியம் தோய் தில்லை தன்னுள் மல்கு சிற்றம்பலத்தே

அதிசயம் போல நின்று அனல் எரி ஆடும் ஆறே.

 தென்னாடுடைய சிவனே போற்றி!

 எந்நாட்டவர்க்கும் இறைவா போற்றி!

 அண்ணாமலை எம் அண்ணா போற்றி!

கண்ணாரமுதக் கடலே போற்றி.

 சீரார்ப்பெருந்துறை நம் தேவனடி போற்றி

 ஆராத இன்பம் அருளும் மலை போற்றி

 பராய்த்துறை மேவிய பரனே போற்றி

 சிராப்பள்ளி மேவிய சிவனே போற்றி

 ஆரூர் அமர்ந்த அரசே போற்றி

 சீரார் திருவையாறா போற்றி

 ஏகம்பத்துறை எந்தாய் போற்றி

 பாகம் பெணுரு ஆனாய் போற்றி

 தென்தில்லை மன்றினுள் ஆடி போற்றி

 இன்றெனக்கு ஆரமுதானாய் போற்றி

 குவளைக் கண்ணி கூறன் காண்க 

அவளுந் தானும் உடனே காண்க

 காவாய் கனகத் திரளே போற்றி

 கயிலை மலையானே போற்றி போற்றி

மீள்பதிவாக:-

திருநாவுக்கரசர் - தேவாரம்- ஐந்தாம் திருமுறை - பதிகம் 5.2 - கோயில் ( தில்லை / சிதம்பரம்) - https://tutthamizhthirumurai.blogspot.com/2024/07/52.html

திருநாவுக்கரசர் திருக்குறுந்தொகை- ஐந்தாம் திருமுறை - பதிகம் 5.1 - கோயில் ( தில்லை / சிதம்பரம்) - https://tutthamizhthirumurai.blogspot.com/2024/07/51.html

திருஞான சம்பந்தர் திருக்கடைக்காப்பு - மூன்றாம் திருமுறை - கோயில் (தில்லை / சிதம்பரம்) - https://tutthamizhthirumurai.blogspot.com/2024/07/blog-post.html

திருஞான சம்பந்தர் திருக்கடைக்காப்பு - பதிகம் 1.80 - கோயில் (தில்லை / சிதம்பரம்) - https://tutthamizhthirumurai.blogspot.com/2024/07/180.html

7 நாள் திருமுறை வழிபாட்டு பாமாலை - இரண்டாம் நாள் 2 - https://tutthamizhthirumurai.blogspot.com/2022/02/7-2.html

 7 நாள் திருமுறை வழிபாட்டு பாமாலை - முதல் நாள் 1 - https://tutthamizhthirumurai.blogspot.com/2021/11/7-1.html

 7 நாள் திருமுறை வழிபாட்டு பாமாலை - இரண்டாம் நாள் 2 - https://tut-temples.blogspot.com/2022/02/7-2.html

7 நாள் திருமுறை வழிபாட்டு பாமாலை - முதல் நாள் 1 - https://tut-temples.blogspot.com/2020/03/7-1.html